​PDK dhe Nisma bashkojnë forcat në Lipjan, Shukri Buja kandidat unik

Kosova

​PDK dhe Nisma bashkojnë forcat në Lipjan, Shukri Buja kandidat unik

Më: 23 shtator 2025 Në ora: 15:56
Foto nga vendi i ngjarjes

Partia Demokratike e Kosovës dhe Nisma Socialdemokrate kanë nënshkruar një marrëveshje bashkëpunimi për zgjedhjet lokale në Komunën e Lipjanit. Kandidati i përbashkët për kryetar do të jetë Shukri Buja, i cili do të garojë nën siglën e PDK-së.

Sipas marrëveshjes së arritur, Nisma Socialdemokrate nuk do të paraqesë kandidat për kryetar të komunës, por do të marrë pjesë në garën për Kuvendin Komunal me listën e saj të veçantë.

“Kjo marrëveshje është ndërtuar mbi themelin e lavdishëm të përbashkët – kontributin tonë në radhët e Ushtrisë Çlirimtare të Kosovës,”, ka deklaruar Buja.

Ai ka theksuar se ky bashkim është një hap i rëndësishëm drejt fitores në zgjedhjet e ardhshme.

“Fitorja është e jona!”, ka përfunduar ai.

comment Për komente lëvizni më poshtë
Sot mund të lexoni Shfletoni kopertinat