Fitoi bindshëm Malishevën, Kastrati tregon projektet e reja për qytetin

Kosova

Fitoi bindshëm Malishevën, Kastrati tregon projektet e reja për qytetin

Më: 14 tetor 2025 Në ora: 11:28
Ekrem Kastrati nga Nisma Socialdemokrate

Ekrem Kastrati nga Nisma Socialdemokrate ka fituar edhe një mandat si kryetar i Komunës së Malishevës, duke shmangur balotazhin.

Në emisionin “Fol me Arin” , ai prezantoi prioritetet dhe planet e tij për zhvillimin e komunës gjatë mandatit të ri.

”Më tutje, prioritetet tona kryesore janë furnizimi me ujë të pijes për të gjitha qytetet dhe fshatrat e komunës së Malishevës. Pastaj, ndërtimi i një stacioni të energjisë elektrike, pasi kemi mungesë të furnizimit të mjaftueshëm me energji elektrike.

Sigurisht, do të vazhdojmë edhe me urbanizimin e Malishevës, ndërtimin e infrastrukturës së përgjithshme nëpër fshatra, rrugët, mirëmbajtjen, kanalizimet, trajtimin e ujërave të zeza, ndriçimin, transportin, pajisjet për shkolla, e tutje”, tha Kastrati.

comment Për komente lëvizni më poshtë
Sot mund të lexoni Shfletoni kopertinat