​Zjarri në Comodita së shpejti mbërrin FSK

Kosova

​Zjarri në Comodita së shpejti mbërrin FSK

Më: 8 janar 2026 Në ora: 21:17
Pamje nga zjarri ne Comodita

Një zjarr i përmasave të mëdha ka shpërthyer në ambientet e fabrikës “Comodita” në Gjakovë, duke shkaktuar një mobilizim masiv të forcave të rendit dhe ekipeve të zjarrfikësve. Ndërhyrja e shpejtë ka bërë të mundur evakuimin e të gjithë punëtorëve, ndërsa fatmirësisht nuk raportohet për persona të lënduar.

Komandanti i stacionit policor në Gjakovë, Milazim Lumi tha se fillimisht i ka marrë të gjitha veprimet për evakuimin e të gjithë punëtorëve dhe personave që kanë qenë brenda fabrikës.

“Është angazhuar njësitë e zjarrfikësve të Gjakovës, dhe ndërkohë kanë kërkuar ndihmë, kanë ardhur nga Peja, Deçani, Juniku, Rahoveci dhe Ferizaj, dhe KRU Radoniqi është me cisternat e veta. Po ashtu, kemi kërkuar ndihmë edhe nga FSK-ja, të cilët pritet të vijnë. Zjarri për momentin ende është duke vazhduar, mirëpo rreziku i madh për shpërthime eventuale të ndonjë kimikali apo cisternat apo bombolat të cilat ekzistojnë brenda fabrikës, për momentin janë evituar. Pasoja në njerëz nuk kemi, kështu që për pasojat e tjera dhe për lokalizim të zjarrit ende do të thotë procesi është duke vazhduar”, tha ai.

Fabrika kishte një sipërfaqe mbi 10,000 metra katror.

comment Për komente lëvizni më poshtë
Sot mund të lexoni Shfletoni kopertinat