Sekuestrohen rreth 100 mijë euro në rast të mashtrimit kompjuterik

Kosova

Sekuestrohen rreth 100 mijë euro në rast të mashtrimit kompjuterik

Më: 5 maj 2026 Në ora: 14:49

Prokuroria Themelore në Prishtinë ka bërë të ditur se, në kuadër të hetimeve për veprën penale “mashtrimi kompjuterik”, është sekuestruar pasuri në vlerë rreth 100 mijë euro, e dyshuar se rrjedh nga aktivitete kriminale.

Hetimet janë zhvilluar nga Prokurori i Shtetit në bashkëpunim me Drejtorinë për Hetimin e Krimeve Kibernetike të Policisë së Kosovës, si dhe me autoritetet gjermane, duke mundësuar identifikimin dhe ngrirjen e mjeteve financiare të dyshuara.

Sipas njoftimit, është lëshuar edhe urdhër ndalues për këtë pasuri dhe janë njoftuar bankat komerciale në Kosovë për masat e ndërmarra.

Prokuroria ka theksuar se mbetet e përkushtuar në luftimin e krimeve kibernetike dhe se hetimet do të vazhdojnë në bashkëpunim me institucionet vendore dhe ndërkombëtare.

comment Për komente lëvizni më poshtë
Sot mund të lexoni Shfletoni kopertinat