Pas dekadash pritjeje, rivarroset dëshmori Hajdar Pepaj

Kosova

Pas dekadash pritjeje, rivarroset dëshmori Hajdar Pepaj

Më: 21 qershor 2026 Në ora: 15:49
Foto nga vendi i ngjarjes

Pas një pritjeje të gjatë, janë rivarrosur mbetjet mortore të dëshmorit Hajdar Pepaj, i cili për një kohë të gjatë ishte pjesë e Listës së Personave të Zhdukur nga lufta e fundit në Kosovë.

Ceremonia e rivarrimit u mbajt në praninë e familjarëve, bashkëluftëtarëve, qytetarëve dhe përfaqësuesve institucionalë, të cilët nderuan jetën dhe sakrificën e tij për lirinë e vendit.

Me këtë rast, kryetari i Komunës së Deçanit, Bashkim Ramosaj, tha se kthimi i dëshmorit në vendlindje përbën një moment të dhimbshëm, por njëkohësisht edhe një lehtësim për familjen që për dekada ka jetuar me mungesën e informacionit për fatin e tij.

Ai theksoi se sakrifica e dëshmorëve dhe e të pagjeturve mbetet pjesë e pandashme e historisë së Kosovës, duke shtuar se institucionet dhe shoqëria duhet të vazhdojnë përpjekjet për zbardhjen e fatit të të gjithë personave që ende konsiderohen të zhdukur.

Sot mund të lexoni Shfletoni kopertinat