Babai kërkon vajzën në Siri/ Tahsim Ibrahimi nga Maqedonia i ka shpresat te qeveria shqiptare: Kam 4 vjet pa folur me të

Maqedonia

Babai kërkon vajzën në Siri/ Tahsim Ibrahimi nga Maqedonia i ka shpresat te qeveria shqiptare: Kam 4 vjet pa folur me të

Më: 6 gusht 2021 Në ora: 19:46
Tahsim Ibrahimi

“Dua të më kthehet, si çdo prind që e do fëmijën pranë”

Që prej 30 qershorit të vitit 2017 Tahsim Ibrahimi ka humbur kontaktet me vajzën e tij. Fatlumja humbi kuptimin e emrit me largimin drejt Sirisë në moshën 18 vjeçare.

Këto janë fotot e fundit të Fatlumes që i ati i mban gjithmonë me vete dhe i ruan që prej 15 majit të 2014 kur vajza e vetme ju largua nga Belgjika ku jetonin drejt Sirisë me të fejuarin.

Tahsimi tregon se janë besimtarë myslimanë, por beson se fëmija është mashtruar. Me origjinë nga Maqedonia e Veriut, ai shprehet se pas pushimeve aty kishte vënë re ndryshim të sjelljes së vajzës.

Prej më shumë se katër vitesh, Tahsimi nuk i ka dëgjuar më zërin vajzës, nuk di ku është dhe se si është ajo, por nga komunikimi i fundit mban mend se ishte zhvendosur drejt Irakut.

Pas përpjekjeve të shumta nga ana e tij, trokitjeve në dyert e qeverisë maqedonase dhe të Belgjikës që e kanë zvarritur çështjen prej kohësh, të vetmen shpresë e ka te qeveria shqiptare teksa i drejtohet nëpërmjet Top Channel me një lutje.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat