Dimitrov: Raporti i KE-së do të shfrytëzohet si referim për zhvillimin e reformave

Maqedonia

Dimitrov: Raporti i KE-së do të shfrytëzohet si referim për zhvillimin e reformave

Më: 22 tetor 2021 Në ora: 13:55
Nikolla Dimitrov

Zv. kryeministri për Çështje Evropiane, Nikolla Dimitrov, sot bashkëkryesoj me Mihaela Matuelën nga GD NEAR përgjegjëse për Maqedoninë e Veriut dhe Shqipërinë në Komisionin Evropian, me mbledhjen vjetore të Komitetit të Përbashkët Monitorues, si organi më i lartë në kuadër të përdorimin e fondeve IPA.

Zv. kryeministri Dimitrov, për të shqyrtuar zbatimin e mjeteve të ndara përmes IPA-s, theksoi se të gjeturat e Raportit të KE-së për Maqedoninë e Veriut do të përdoren si pikë referimi për racionalizimin dhe menaxhimin e reformave që dalin nga agjenda evropiane për të siguruar standardet evropiane për qytetarët tanë përmes fondeve të BE -së.

“Ne kemi nevojë për fokus dhe veprim në përvojën e deritanishme dhe për të përdorur sfidat si një katalizator për të krijuar një pamje më të qartë të hapave tanë të ardhshëm dhe për të ecur përpara me vendosmëri. Qasja e ndershme, partneriteti dhe përmirësimi i koordinimit në zbatimin e IPA-së janë parakushtet kryesore për arritjen e qëllimeve të përbashkëta”, tha Dimitrov.

Krahas pasqyrës së zbatimit të përgjithshëm të IPA-s, në takim u diskutua për projekte specifike me theks të veçantë në fusha të tilla si mbrojtja e mjedisit, infrastruktura e transportit, të cilat kërkojnë investime të konsiderueshme, si dhe politikat rajonale dhe koordinimi i instrumenteve strukturore sipas Kapitullit 22.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat