Bekteshi: Qeveria do t’i paguajë mjetet BEG, familjet nuk do të marrin fatura më të larta

Maqedonia

Bekteshi: Qeveria do t’i paguajë mjetet BEG, familjet nuk do të marrin fatura më të larta

Më: 11 janar 2022 Në ora: 18:37
Kreshnik Bekteshi

Ministri i Ekonomisë, Kreshnik Bekteshi njofton se konsumatorët nuk do të kenë fatura më të larta për ngrohjen qendrore.

“Qeveria, në koordinim me të gjitha institucionet kompetente në sektorin e energjetikës dhe në konsultim me KRE-në, u ka propozuar kompanive që kanë liçencë për prodhimin, shpërndarjen dhe furnizimin me ngrohje që të mbulojnë diferencën ndërmjet çmimit aktual dhe real të ngrohjes qendrore nga buxheti në shumë prej 80 %.

Kurse pjesa e mbetur prej 20 % me qëllim mbylljen e tërë konstruksionit financiar dhe sigurimin e stabilitetit në furnizimin me ngrohje të shfrytëzuesve të rrjetit të ngrohjes, ta mbulojë qyteti i Shkupit dhe komunat në qytet.

Diferenca nga çmimi aktual në atë real të energjisë së ngrohjes, Qeveria në emër të konsumatorëve të cilët janë shfrytëzues të energjisë termike – amvisëritë dhe institucionet publike do t’i paguajnë mjetet BEG-së, ndërsa BEG do t’u ulë faturat konsumatorëve”, shkruan Bekteshi në Facebook.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat