Zakharieva: Maqedonia e Veriut nuk ka pasur fokus fillimin e negociatave me BE-në, por mospërfshirjen e kërkesave bullgare

Maqedonia

Zakharieva: Maqedonia e Veriut nuk ka pasur fokus fillimin e negociatave me BE-në, por mospërfshirjen e kërkesave bullgare

Më: 3 shkurt 2022 Në ora: 17:17
Ekaterina Zakharieva

Ish-ministrja e Punëve të Jashtme, Ekaterina Zakharieva kërkon që Marrëveshja për fqinjësi të mirë të hyjë në kornizë negociuese.

Sipas saj, interesi i Bullgarisë është që Maqedonia të reformohet, ndërsa ajo për agjencinë “BGNES” theksoi se fokusi i Maqedonisë nuk ka qenë fillimi i bisedimeve me BE-në, por që kërkesat bullgare të mos hynë në kornizë negociuese.

“Thirrja ime deri te ministrja Teodora Gençovska është që të mos harrojë kornizën negociuese”, tha ajo.

Ish-zëvendës ministrja bullgare theksoi se Bullgaria disa herë i ka shtrirë dorën Maqedonisë dhe ka mbyllur sytë, por për fat të keq, marrëdhëniet shkojnë një hap para dhe tre prapa.

commentFirst article
Sot mund të lexoni Shfletoni kopertinat