Këshilli i Punëve të Jashtme të BE-së nesër mban takim, merr pjesë edhe Maqedonia e Veriut

Maqedonia

Këshilli i Punëve të Jashtme të BE-së nesër mban takim, merr pjesë edhe Maqedonia e Veriut

Më: 15 maj 2022 Në ora: 23:06
Foto ilustrim

Ministri i Punëve të Jashtme i Maqedonisë së Veriut, Bujar Osmani, po udhëton nga Berlini për në Bruksel, ku do të merr pjesë në takimin e Këshillit të Punëve të Jashtme të BE-së, në të cilin janë të ftuar edhe Ministrat e Jashtëm të vendeve të Ballkanit Perëndimor.

Siç njoftojnë nga MPJ, diskutimi strategjik për integrimin e vendeve të Ballkanit Perëndimor dhe agresioni rus ndaj Ukrainës janë dy temat qendrore që do të trajtohen në këtë takim të Këshillit të Punëve të Jashtme të BE-së.

“Këshilli fillimisht do të zhvillojë një diskutim strategjik për Ballkanin Perëndimor, pastaj për angazhimin e BE-së në zbutjen e ndikimit të agresionit rus në Ukrainë, pas çka do të vijojë diskutim mes Ministrave të Jashtëm të BE-së me Ministrat e Jashtëm të Ballkanit Perëndimor”.

“Në margjinat e Këshillit, Osmani do të takohet me Sekretaren e Përgjithshme të Komisionit Evropian, Ilze Juhansone, si dhe me zyrtarë të tjerë të lartë në Këshillin dhe Komisionin Evropian”, thuhet në njoftimin e MPJ-së.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat