E rrëmbeu foshnjën nga Qendra Tregtare në Shkup, kapet nga policia në Gjorçe Petrov

Maqedonia

E rrëmbeu foshnjën nga Qendra Tregtare në Shkup, kapet nga policia në Gjorçe Petrov

Më: 17 gusht 2022 Në ora: 09:22
Foto ilustrim

Policët nga Sektori për Punë të Brendshme – Shkup, informojnë se dje kanë privuar nga liria personin me iniciale S.S. nga Shkupi, pak pasi kanë marrë denoncimin rreth orës 11:30 se ka rrëmbyer një foshnje nga personi me iniciale G.M., i cili, sipas raportit, e ka lënë foshnjën para një marketi në Qendrën Tregtare të qytetit në Shkup.

Fëmija dhe S.S. janë gjetur në zonën e Gjorçe Petrovit dhe S.S. është ndaluar në komisariat.

Siç informon MPB-ja, menjëherë pas pranimit të kallëzimit janë ndërmarrë masat dhe aktivitetet e duhura nga zyrtarët policorë dhe është njoftuar prokurori publik.

Është zhvilluar një bisedë me familjarët e foshnjës, si dhe me drejtuesin e mjetit taksi me të cilin S.S. u nis për në Gjorçe Petrov.

Kundër S.S. është ngritur kallëzim penal i cili do t’i dorëzohet prokurorisë kompetente dhe pas procedurës së shpejtë do t’i paraqitet gjykatësit kompetent.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat