Ministri Sali: Personat që pranuan zemër dhe veshkë nga donatori i vdekur, janë në gjendje të mirë shëndetësore

Maqedonia

Ministri Sali: Personat që pranuan zemër dhe veshkë nga donatori i vdekur, janë në gjendje të mirë shëndetësore

Më: 23 shtator 2022 Në ora: 20:49
Bekim Sali

Pacientët, të cilët gjatë ditës së djeshme pranuan zemër dhe veshkë nga donatori i vdekur, sot ndjehen mirë dhe janë jashtë njësive të mjekimit intensiv, njofton ministri i Shëndetësisë, Bekim Sali.

“Pacienti 46-vjeçar, i cili pranoi zemër, është hequr nga makina respiratore në Klinikën Shtetërore të Kardiokirurgjisë, tashmë po merr frymë vetë dhe ndjehet mirë”, njoftoi Sali.

Po ashtu, në Klinikën e Urologjisë, pacientja 36-vjeçare dhe pacienti 47-vjeçar, që pranuan veshkë, janë jashtë njësive të mjekimit intensiv dhe ndjehen mirë.

“Para tyre vijnë ditë të rikuperimit. Si ministër dhe si njeri, para së gjithash dua ta falënderoj edhe një herë familjen e donatorit. Tri vajzat e tyre të guximshme, që me vendimin e tyre për të dhuruar organe u dhanë jetë të paktën tre pacientëve, të gjithë neve na dhanë ditë plot shpresë dhe besim në një dashamirësi dhe humanizëm të jashtëzakonshëm, që duhet ta çmojmë. Dëshira e tyre ishte që zemra e nënës së tyre të vazhdonte të rrihte dhe t’ua ndriçonte rrugën atyre që do ta merrnin organin. I falënderoj edhe njëherë!”, është shprehur ministri i Shëndetësisë, Bekim Sali.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat