Zaharieva: Ambasadorët e huaj në Shkup dëgjuan se si u sha himni bullgar në stadium, ajo sjellje duhet dënuar

Maqedonia

Zaharieva: Ambasadorët e huaj në Shkup dëgjuan se si u sha himni bullgar në stadium, ajo sjellje duhet dënuar

Më: 30 shtator 2022 Në ora: 13:22
Ekaterina Zaharieva

Ekaterina Zaharieva, ish-ministre e Punëve të Jashtme të Bullgarisë, tha se ambasadorët e huaj panë dhe dëgjuan se si në Shkup një audiencë prej 20.000 vetash shau himnin kombëtar bullgar në ndeshjen e futbollit që u luajt të hënën.

Zaharieva është bartëse e njërës prej listave zgjedhore të GERB-it, parti e cila ka renditjen më të lartë në Bullgari para zgjedhjeve parlamentare.

“Oh po. Duhet të jemi naivë të mendojmë se Brukseli nuk i kupton shqetësimet tona. Ursula von der Leyen vështirë se do ta harrojë se si u prit në parlamentin e Maqedonisë së Veriut – me postera “Tradhtarët e popullit”, “Populli tha JO, zgjohuni”, “Gjuha është identitet”, “Fëmijët e Zaevizmit, ju jeni rikthimi i fashizmit” etj. Shumë kohë më parë, vala antibullgare u bë anti-evropiane. Të gjithë e dimë se kush ka interes për këtë, kush nuk dëshiron që Maqedonia e Veriut të hyjë në Bashkimin Evropian dhe kush dëshiron që Ballkani të mbetet i paqëndrueshëm. A nuk mendoni se ambasadorët evropianë në Shkup para disa ditësh panë se si në tribunat e stadiumit të tyre publiku shau himnin tonë dhe ofendonte futbollistët tanë? A keni parë një sjellje të tillë në Razgrad kur ne kemi pritur ekipin e tyre të futbollit? Një gjë duhet të jetë e qartë për politikanët në Shkup, Bashkimi Evropian garanton një jetë më të mirë për qytetarët e tyre dhe ata duan pikërisht këtë, por në vend që të ndjekin rrugën e fqinjësisë së mirë, ata janë ende viktima të propagandës komuniste jugosllave të urrejtjes ndaj Bullgarisë”, tha Zaharieva.

Ajo kërkoi nga shteti i Maqedonisë dhe ndërkombëtarët që kushdo që e inkurajon këtë sjellje të ndëshkohet më rëndë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat