Kuvendi urgjentisht të fillojë hetimin e aktiviteteve të BQK-së në relacion me gjithë sistemin financiar

Opinione

Kuvendi urgjentisht të fillojë hetimin e aktiviteteve të BQK-së në relacion me gjithë sistemin financiar

Nga: Emanuel Bajra Më: 15 prill 2022 Në ora: 10:23

Së pari unë e shoh si shumë shqetësuese që zv.Guvernatori i Bankës Qendrore të Kosovës ndikon në ndryshimin e masave të kredi-marrjes në bankat komerciale të vendit. Pra, limiti i kredi-marrjes së stafit bankar ka qenë €100k është ngrit në €300k.

Kjo është e pa precedent dhe për këtë arsye ndryshimet në BQK janë ekzistencialisht të rëndësishme të ndodhin edhe atë shumë shpejtë dhe me urgjencë.

E dyta, kjo tregon qartë që procesi transparent dhe struktura e përgjegjësive brenda BQK-së në relacion me raportet shumë të afërta me bankat komerciale në vend janë shumë problematike për vendin.

E treta, BQK-ja duhet të luaj rolin rregullues të sistemit bankar duke e ndjekur një rrugë dy-kahëshe: 1. Ti lejojë që bankat komerciale të përcaktojnë parametrat vet për kufizime në kredi si brenda strukturave të veta po ashtu edhe në treg. 2. Ti monitorojë zhvillimet bankare e jo tw ndikohet nga organizma bankar/financiar për të ndryshuar rregullore bankare.

E katërta, nëse Shoqata e Bankierëve të Kosovës paska aq shumë peshë në bindjen e zv. Guvernatorit për ta ndryshuar një politikë qeverisëse financiare me anë të përdorimit të fuqisë politike brenda BQK-së, atëherë kjo është shumë shqetësuese dhe era “peshkë” është duke i ardhur gjithë kësaj pune.

*Një gjë ju garantojë, që këto lloj metoda të bashkëpunimit trinomik: BQK-Banka Komerciale-Shoqata e Bankierëve të Kosovës nuk njihen si praktika të shëndosha në Perëndim, prandaj i bëj thirrje Kuvendit të Republikës së Kosovës që urgjentisht të fillojë një shqyrtim publik ose me anë të Komisionit për financa të fillojë hetimin e aktiviteteve të BQK-së në relacion me gjithë sistemin financiar në vend me qëllim të përmirësimit të sistemit tonë bankar dhe krijimit të një sinergjije të re në mes të BQK-së dhe bankave komerciale në vend.

** Të mos harrojmë se këtu kemi të bëjmë me përafërsisht €8 miliardë kapital likuid brenda ekonomisë së vendit duke përfshirë depozitat e konsumatorit kosovarë nëpër banka - bukur një fuqi e madhe ekonomiko-politike është në pyetje këtu e menaxhuar nga njerëz që përgjegjësinë e vetme e kanë tek familjet e veta e jo te konsumatori i vendit.

***BQK-ja duhet të ri-dizajnohet urgjentisht!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat