Si erdhi në pushtet Vladimir Putin pa u zgjedh nga asnjë organ legal?

Opinione

Si erdhi në pushtet Vladimir Putin pa u zgjedh nga asnjë organ legal?

Nga: Xhavit Çitaku Më: 21 maj 2022 Në ora: 16:47
Xhavit Çitaku

Vetëm diktatori sovjetik Joseph Stalin ka qenë në pushtet në Rusi më gjatë se presidenti Vladimir Putin. Por si arriti të kap pushtetin edhe pa u zgjedhur nga asnjë organ kompetent ky njeri i intelegjencës ruse?

Presidenti rus Vladimir Putin lindi në qytetin sovjetik të Leningradit, sot Shën Petersburg, në tetor 1952. Si 23-vjeçar, ai u pranua në shërbimin e sigurimit sovjetik KGB, ku punoi për të spiunuar dhe monitoruar qytetarët me nënshtetësi të huaj. Grushtshteti i Gushtit i vitit 1999 hapi rrugën për rënien e Bashkimit Sovjetik. Në vitin 1991, në Bashkimin Sovjetik ndodhi i ashtuquajturi "grusht shteti i gushtit" - një tentativë për grushtshtet me synimin për të rrëzuar presidentin e atëhershëm Mikhail Gorbaçev. Tetë zyrtarë qeveritarë ishin pas përpjekjes për grushtshtet, por ai nuk kishte mbështetjen e KGB-së në të cilën ishte aktiv Vladimir Putin. Përpjekja për të rrëzuar presidentin dështoi dhe pas tre ditësh Gorbaçovi u rivendos në krye të shtetit. Por edhe sot, grushtshtetiti i gushtit shihet si një nga arsyet më vendimtare për rënien e Bashkimit Sovjetik në fund të vitit 1991. Kështu u krijuan kushtet të bëhet president Vladimir Putin – pa u zgjedhur nga ndonjë organ kompetent. Përpjekja për grushtshtet i dha fund edhe karrierës së Vladimir Putinit në shërbimin e sigurisë KGB. Në vend të kësaj, ai u rekrutua në administratën e Leningradit, nën udhëheqjen e kryebashkiakut Anatoli Sobchak. Tre vjet përpara se ai vetë të merrte pozicionin kryesor në Rusi, Putin filloi të bashkëpunonte ngushtë me Presidentin e atëhershëm Boris Jeltsin. Më 31 dhjetor 1999, Jelcin dha dorëheqjen e papritur nga presidenca para kohe, duke emëruar Vladimir Putin si president në detyrë. I zgjedhur me dorë nga përfaqësuesi i tij, Putin mori drejtimin në të gjithë vendin, por fitoi zgjedhjet e tij të para popullore në mars të vitit të ardhshëm me 52.5 për qind të votave.

Putin ndryshoi postin ministror - ruajti pushtetin

Kushtetuta ruse lejoi vetëm një dhe të njëjtin president të ishte në pushtet për dy mandate katër-vjeçare me radhë. Prandaj, përpara zgjedhjeve presidenciale të 2008-ës, Vladimir Putin prezantoi kryeministrin e tij, Dmitry Medvedev, si kandidatin e ri për këtë post. Medvedev u zgjodh president, ndërsa e emëroi Vladimir Putinin si kryeministër të ri dhe zgjeroi kompetencat e postit ministror. Në këtë mënyrë, Putin mund të kishte vazhduar pushtetin mbi politikën në vend, përpara se të rimarrë pushtetin në zgjedhjet e ardhshme presidenciale në 2012.

Sa kohë mund të jetë president Vladimir Putin?

Deri në mars 2020, kushtetuta ruse thoshte se i njëjti president nuk mund të ulet në pushtet për më shumë se dy mandate, që korrespondojnë me 12 vjet. Por më pas Gjykata Kushtetuese dha dritën jeshile për një ndryshim në kushtetutat ruse, i cili rivendos mandatin e Putinit dhe i lejon atij të kandidojë në zgjedhjet presidenciale në 2024 dhe 2030, nëse dëshiron.

Një njeri i çmendur që ka shkatërruar ekonominë ruse!

Duke e instaluar një pushtet të hekurt në gjithë infrastrukturën e shtetit , duke shkelur në mënyrë flagrante të drejtat e njeriut dhe duke u inspiruar nga fryma imperialiste dhe fashiste , Putin shkoi edhe më larg në apetitet e tij të sëmura hegjemoniste. Kësisoj, pas pushtimit të Krimës së Ukrainës, ai pa kurrëfarë provokimesh e arsyetimi filloi agresionin në këtë vend, duke shkaktuar viktima të mëdha dhe duke shkatërruar qytete të tëra siç është Meriupol. Megjithatë, ukrainasit rezistuan, po luftojnë e po mbrojnë vendin e tyre, me ç’rast regjimit të Putinit po i shkatojnë humbje të mëdha në njerëz e teknik ushtarake. Po ashtu, Rusia është në një izolim total gjeostrategjik dhe ky hap barbar i Putinit ka shkatërruar absolutisht ekonominë e Rusisë, ekonominë e Ukrainës dhe shumë ekonomi të tjera. “ I shkatërroi plotësisht. Problemi është me kokën e tij... Një djalë i çmendur mund ta kthejë botën përmbys, thotë një oligark i afërt me kriminelin rus Putin”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat