Histerizmi greko-serb ndaj Dardanëve turp që nuk e lanë as Adriatiku

Opinione

Histerizmi greko-serb ndaj Dardanëve turp që nuk e lanë as Adriatiku

Arif Ejupi Nga Arif Ejupi Më 14 qershor 2022 Në ora: 18:19
Foto ilustrim

Kombëtarja e Kosovës në Futboll parmbrëmë ka luajtur ndeshjen e kthimit me Kombëtaren e Greqisë.

Kjo ndeshje e zhvilluar në kuadër të Ligës së Kombeve është luajtur në stadiumin Volos të Thesalisë,ku fitues ishin grekët, me rezultatin 2 me 0.

Ata edhe pse ishin lider të Grupit C, dhe me diferencë të mjaftueshme pikësh ndaj Kosovës, prapëseprapë nuk i frenuan sjelljet e tyre shovene ndaj tifozëve Dardanë.

Të interesuar për eksese u treguan edhe në Prishtinë. Mirëpo, falë maturisë së publikut të mrekullueshëm të Kosovës dhe futbollistëve të saj deri tek kjo nuk erdhi.

Të gjithë e dimë që nëpërmjet ndeshjeve sportive ulen armiqësitë dhe krijohet terreni për bashkëpunim e miqësi.

Fatkeqësisht me serbët dhe grekët ndodh e kundërta. Ata të mbuluar nga myku shoven vetëm kërkojnë rastin për të bërë skandale e skena turpi.

Marrëzitë e tifozërisë së Greqisë ndaj Dardanëve që s’i lanë as deti Adriatik, fillim e mbarim i pa edhe francezi Alain Giresse, që aktualisht e drejton kombëtaren e Republikës së Kosovës në futboll.

Greqia që veten e ka qitur shumëherë në ankand për shkak të borxheve të jashtme dhe dështimeve të njëpasnjëshme ekonomike, duhet ta kuptojë që më 1821 si shtet është njohur falë luftës dhe sakrificës së Suljotëve në mbrojtje të saj.

Të dalësh i pari në një garë do të thotë të manifestosh kulturë, dashuri e respekt edhe për të tjerët.

Arenat e sportit pasurohen dhe masivizohen nga njerëz të civilizuar e jo nga njerëz me ide  të trashëguara nga Mesjeta e egër.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat