Ish deputeti i PDK-së, ka qenë uzurpatori më i madh në Kosovë: pompat kryesore dhe qindra hektarë tokë

Opinione

Ish deputeti i PDK-së, ka qenë uzurpatori më i madh në Kosovë: pompat kryesore dhe qindra hektarë tokë

Nga: Faton Mehmeti Më: 9 gusht 2022 Në ora: 17:24
Faton Mehmeti

Uzurpatorët e pasluftës kanë qenë njerëz kryesisht të lidhur me politikën, konkretisht PDK. Afër 170 objekte dhe asete të AKP-së që ishin të uzurpuara dhe më shumë se 600 të tjera të marra nga kjo agjenci viteve të fundit u shfrytëzuan për gati 20 vjet radhazi pa paguar asnjë cent. Ka të tillë që pos shfrytëzimit, shteti ua fali edhe zyrtarisht borxhet.

Ish-deputeti i PDK-së dhe njëri nga financuesit kryesor të kësaj partie, Bedri Selmani, sipas listës së publikuar nga AKP-ja ka qenë uzurpatori më i madh, bashkë me serbët në veri të Kosovës. Parashtrohet pyetja nga e mori fuqinë Bedri Selmani për të uzurpuar pronat më të mëdha e më të vlefshme ?!.Përgjigja s’do shumë mund të dihet, pas tij qëndronte paria e PDK-së me shumë funksionarë të saj të lartë të kamufluar nga shpërfaqja publike emrit të tyre.

Selmani që nga paslufta, kishte arritur të marrë në shfrytëzim rrjetin e pompave të derivateve “Ina” dhe “Jugopetrol” falë një kontrate të nënshkruar gjatë administratës së UNMIK-ut, të cilat i kanë siguruar një qarkullim prej qindra miliona eurosh. Selmani, sipas listës së AKP-së, po mbante të uzurpuara shumë pika të karburantit nëpër Kosovë që dikur i takonin INA-s së Kroacisë dhe objektet e Auto Prishtinës. Selmanj kishte reaguar nëpërmes një komunikate, duke paralajmëruar AKP-në se shumë shpejt do të takohen në Gjykatën e Arbitrazhit në Uashington. U desh të vinte qeveria e Albin Kurtit për nisjen e procedurave të shpronësimit për pronat shoqërore, për të cilat Bedri Selmani kërkonte 65 milionë euro dëmshpërblim nga shteti.

Fatmirësisht, dhe fal punës së palodhur nga qeveria Kurti, Tribunali i Arbitrazhit Ndërkombëtar ka vendosur në favor të Qeverisë së Kosovës dhe kundër padisë së ushtruar nga ish-deputeti i PDK-së.I gjrndur përballë saj, Selmani ka disa muaj që po e zhvillon aktivitetin e tij biznesor në Kroaci, pasi AKP-ja ia mori 12 pikat e shitjes së derivateve të naftës “Kosova Petrol” në qytetet kryesore të vendit. Bedri Selmani është vetëm ajka e njerëzve të fuqishëm nga politika e që ishin uzurpatorët kryesor të pasluftës, e të cilët pronat e uzurpuara nuk i kanë në emër të tyre. Prandaj, duhet ç` kapur drejtësia, e tek pastaj të fillohen hetimet për të nxjerr të vërtetën, pronat t'u kthehen shtetit, sa më parë aq më mirë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat