Liberalizimi i vizave nuk është meritë e partive dhe aq më pak e opozitës zhurmuese, por meritë e popullit

Opinione

Liberalizimi i vizave nuk është meritë e partive dhe aq më pak e opozitës zhurmuese, por meritë e popullit

Nga: Dedë Preqi Më: 29 shtator 2022 Në ora: 16:05
Autori Dedë Preqi

Pse po bëhet aq zhurmë e tepruar por edhe neveritëse nga qarqe të ndryshme për liberalizimin e vizave të qytetarëve të Kosovës, sikur ky vend nuk po llogaritet fare në hartën e Ballkanit perëndimor dhe që pretendon të bëhet pjesë e familjes evropiane.

Pse po neglizhohet një proces i tillë, dhe këta qytetarë të dënohen në një mënyrë pa të drejtë, dhe sipas propagandës serbe, sikur edhe marrëdhëniet e tyre me Serbinë, nuk janë në përmirësim për fajin e tyre, një e gjë e tillë është shumë e dhimbshme edhe për bashkësinë ndërkombëtare, e cila bazohet në rrethana dhe shantazhe të tilla.

Nga BE-ja, prisnim shumë e më shumë që ky popull i dal nga lufta të ndihmohet edhe në integrimin e këtij vendi me vendet evropiane dhe më gjerë në organizatat ndërkombëtare, por jo të ndodh e kundërta, duke e kufizuar lëvizjen e qytetarëve të saj, që nga hapat e parë nga vetë BE-ja, e cila përcakton tiparin dhe masën e kësaj nevoje për secilin vend në këtë familje.

Çka do të thotë kjo, ata që dje ishin shkaktar të luftërave dhe gjenocideve rajonale, sikur që ishte Serbia, një vend i tillë e merr të drejtën e lëvizjes së lirë menjëherë pas lufte në gjithë Evropën dhe botën, sikur mos të kishte ndodhur asgjë, po ashtu edhe kriminelët e këtij vendi shëtisin të lirë dhe e gëzojnë të drejtën e lëvizjes së lirë në vendet e BE-së, ndërsa qytetarët e Kosovës, nuk e gëzojnë këtë të drejtë akoma, për shkaqe dhe arsye që vetë BE-ja, jep shpjegime të pa arsyeshme dhe të mjegulluara.

Tregimi i një ngjarje të tillë, tani sikur po merr ngjyrime të paperceptueshme, dhe roli i BE-së, për një çështje të tillë nënkupton se i mungon ekuilibri apo fuqia e vendimeve, ose një vullnet i pranuar duhet të lidhet edhe nga disa vende që u mungon vullneti, siç është Hollanda dhe Franca, të cilat e kanë bllokuar një proces të tillë, që do të thotë se, njëra dhe tjetra janë të lidhura ngushtë dikund me vullnetin që vjen nga urdhrat e Serbisë, sepse gjithçka lidhet me lobimet e saj, e cila pretendon pengimin e gjitha proceseve integruese, duke aluduar edhe në liberalizimin e vizave për qytetarët e këtij vendi.

Nuk është e mundur që problemet ekzistuese të palëve në negociata, siç është pala serbe me palën kosovare, të zgjidhen apo të bëjnë një marrëveshje përfundimtare me njëra-tjetrën, kur palët nuk janë të barabarta me njëra-tjetrën, apo nuk trajtohen të njëjta në negociata pranë BE-së, dhe kjo si ndërmjetësuese e negociatave, po e humb kuptimin dhe rrolin e një negociatore të sinqertë dhe serioze, për të përfunduar një çështje shumë e ndjeshme dhe historike.

Liberalizimi i vizave për qytetarët e Kosovës, i ka ardhë fundi që të realizohet, ose ky proces e ka edhe një vegëz, e cila mund të lidhet me marrëveshjen në mes Kosovës dhe Serbisë, duke prodhuar kushte përtej kushteve, në realizimin e asaj që të plotësohen kushtet e Serbisë, dhe sikur po bazohet në llogarinë e instinkteve dhe lojërat e atyre që po e krijojnë këtë kompleks për të mos realizuar paqen në mes këtyre dy vendeve, duke e mos dëshiruar edhe rajonin në paqe.

Liberalizimi i vizave për qytetarët e Kosovës, mund të neglizhohet, por nuk mund të pengohet dhe të mohohet, sepse është e drejtë qytetare dhe njerëzore e këtij komuniteti, sikur të drejtat e gjithë qytetarëve të vendeve tjera rajonale, që duhet të jetë ecuri dhe arritje për gjitha vendet e një familje të ardhshme evropiane.

Nuk ia vlen të diskutojmë se ky proces zhvillimi dhe formë e një qytetërimi brenda BE-së, që plotëson nevojat njerëzore, në veçanti lëvizjen e lirë qytetare dhe marrëdhëniet e tyre tregtare, do të ishte meritë e një partie dhe grupi të caktuar politik në Kosovë, dhe aq më pak bëhet fjalë nga partitë politike, që e përfaqësojnë opozitën e sotme, e cila për shumë shkaqe të saj, në veçanti e krimit të organizuar dhe korrupsionit, e kanë pësuar këtë pasojë deri më tani qytetarët e Kosovës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat