Vuçiqi është fajtor për masakrën e Reçakut, aq sa është Millosheviqi, ja arsyeja

Opinione

Vuçiqi është fajtor për masakrën e Reçakut, aq sa është Millosheviqi, ja arsyeja

Faton Mehmeti Nga Faton Mehmeti Më 16 janar 2024 Në ora: 18:47
Pamje nga masakra e Reçakut

Edhe pas 24 viteve të kësaj ngjarje Serbia ende nuk ka reflektuar. Për më tepër presidenti i Serbisë, Aleksandër Vuçiq, para pak kohësh masakrën e Reçakut e cilësoi fabrikim të shqiptarëve. Për një deklaratë të tillë një gjykatë në Kosovë e dënoi me dy vjet burg ish-ministrin në qeverinë e Kosovës Ivan Todosijeviq, nga lista “Srpska”, i cili në një tubim në veri të Mitrovicës, po ashtu masakrën e Reçakut e cilësoi trillim të shqiptarëve dhe bashkësisë ndërkombëtare. 

Janë dy njerëz përgjegjës kryesorë për masakrën e Reçakut, dhimbjen ndaj shqiptarëve dhe turpërimin e vet Serbisë përballë ndërgjegjes njerëzore: Slobodan Millosheviq dhe Aleksandër Vuçiq. I pari e kreu, i dyti frymëzoi krimin dhe mohon krimin e që janë po ashtu krime sa vet urdhëdhënësi dhe kryesit e saj. 

Vrasja e 45 civilëve duke përfshirë gra, fëmijë e pleq shënjon mbishkrimin e këtij krimi si ndër më  çnjerëzoret më histori të njerëzimit. Pas krimit barbarët serbë ishin munduar që të fshihnin ngjarjen sikur s`ka ndodhur asgjë, me tendenca maksimale për ta paraqitur si “vrasje e terroristeve”. 

Fatmirësisht në vendin e krimit erdhi shpejt ish shefi i OSBE-së William Walke, i trishtuar nga ajo çfarë pa, z.Walker alarmoi botën për krimin çnjerëzor çka edhe solli bombardimet e NATO-s. Përkundër të gjitha fakteve presidenti aktual i Serbisë mohon krimin në fjalën, imagjino çfarë mund të mohoi e gënjej ai kur mohon diçka që s’do koment.

Prandaj, me një president të tillë bota dhe Kosova e kanë të vështirë me arrit marrëveshje, e për më tepër Vuçiqi duhet paditur për mohim të krimit, jo më pak se Millosheviqi është fajtor edhe Vuçiqi. 

comment Për komente lëvizni më poshtë
Sot mund të lexoni Shfletoni kopertinat