Skiatori norvegjez, Henrik Kristoffersen, ka arritur fitoren e tij të 18-të në karrierë në disiplinën e sllallomit në Kupën e Botës, në garën që u mbajt në Madonna di Campiglio të Italisë. Norvegjezi ka fituar në Madonna di Campiglio edhe në vitin 2015 dhe 2016.
Kristoffersen zuri vendin e parë me kohë të kaluar për 1:35,35 minuta, duke lënë pas për 33 qindtat e sekondës bashkëkombësin e tij Sebastian Foss Solevaag.
Gara ka qenë shumë interesante, fakti më i mirë është se Foss Solevaag për një qindtën e sekondës ka qenë më i shpejt se pozita e tretë, italiani Alex Vinatzer dhe dy të qindtat se austriaku Manuel Feller.
Tre skiatorë përfundojnë në pozitën e gjashtë, me kohë të njëjtë: Jean Grange (Franca), Linus Strasser (Gjermania) dhe Alexis Pinturault.
Në renditjen e sllallomit Henrik Kristoffersen udhëheq me 140 pikë, pasojnë Manuel Feller me 130, Ramon Zenhaeusern 120, Alex Vinatzer, Sebastian Foss-Solevaag 109 pikë etj. Në renditjen e përgjithshme të Kupës së Botës, Alexis Pinturault kryeson me 440 pikë, pasojnë Aleksander Aamodt Kilde 375, Marco Odermatt 340, Henrik Kristoffersen 312 pikë etj.
Garat e skive vazhdojnë në Itali me 28-29 dhjetor.
Rezultatet
1. Henrik Kristoffersen (Norvegjia) 1:35,35 minuta
2. Sebastian Foss Solevaag (Norvegjia) +0,33
3. Alex Vinatzer (Italia) +0,34
4. Manuel Feller (Austria) + 0,35
5. Clement NOEL (Franca) +0,44
6. Jean GRANGE (Franca) +0,54
6 . Linus STRASSER (Gjermania) +0,54
6. Alexis PINTURAULT (Franca) +0,54
9. Marco SCHWARZ (Austraia) +0,58
10. Kristoffer JAKOBSEN (Suedia) +0,61
