Skiatori zviceran, Beat Feuz, do të mbyllë karrierën e tij pas garës në Kitzbuhel. Këtë e bëri të ditur kampioni olimpik të mërkurën (sot).
Katër herë fituesi i “Globit të vogël të kristaltë” në lëshim, Beat Feuz, ka vendosur të tërhiqet së shpejti nga garat e skive.
“Tani ndjenja ime më thotë se janë arritur limitet fizike”, thotë 35-vjeçari..
Megjithatë, specialisti i shpejtësisë do të vazhdojë të garojë këtë sezon dhe duke përfshirë garat në Kitzbuhel: “Pas 16 vitesh në Kupën e Botës, do ta përfundoj karrierën time aktive të shtunën, më 21 janar.
Mezi pres të jem në gjendje të shijoj përsëri garat e mia të preferuara në Wengen dhe Kitzbühel", tha Beuz.
Ai u aktivizua kryesisht në disiplinat e shpejtësisë, në karrierën e tij fitoi nga tre medalje në Lojërat Olimpike dhe në Kampionatin Botëror.
Ai fitoi titullin e tij të fundit dimrin e kaluar në Lojërat Olimpike Dimërore në Pekin, kur fitoi medaljen e artë në lëshim.
“Jam tepër mirënjohëse që kam qenë në gjendje të ndjek pasionin tim kaq gjatë dhe tani mezi pres më shumë kohë me familjen time dhe jam i emocionuar për sfidat e reja që do të vijnë në jetën time”, thotë. Feuz.
