Deni Xhepa i ka dhuruar një tjetër medalje të artë Shqipërisë në Kampionatin Ballkanik që po zhvillohet në Bullgari.
Skiatori shqiptar, pas triumfit në sllallomin e madh një ditë më parë, është konfirmuar sot edhe në disiplinën e sllallomit, duke u ngjitur përsëri në majën e podiumit.
Djaloshi 19-vjeçar, ka lënë pas australianin MekAdam dhe bullgarin Zlatkov, duke u konfirmuar kështu një nga talentet më premtues të garave të skive në rajon.
Ai ka shënuar 24.55 pikë në garën e sotme, duke vendosur një rekord personal në këtë disiplinë, teksa tregon garë pas gare se po përmirëson edhe më shumë rezultatet e tij.
