Të paktën skiatorja Lara Gut-Behrami nuk e ka humbur buzëqeshjen.
Gruaja e ish futbollistit të mirënjohur, Valon Behramit, Lara, u shfaq me humor të mirë dhe theksoi:
"Nga një perspektivë sportive, nuk është dita më e mirë e karrierës sime, por i marr anët pozitive dhe po vazhdoj".
Nëse kjo vlen edhe për karrierën e saj, fituesja dy herë e Kupës së Botës e la të hapur pyetjen: "Më pëlqen të skijoj.
Por sigurisht: Shëndeti është i pari. Kur të jem përsëri në formë, do ta di vërtet se çfarë rezervon e ardhmja. Nëse do të vazhdoj të garoj, nuk do ta di deri vitin tjetër".
"Gut-Behrami shpjegoi gjithashtu pritjen e gjatë për një diagnozë pas aksidentit të saj në stërvitje një javë më parë në SHBA si rezultat i një shkalle të caktuar kujdesi”, shkruan media zvicerane “Blick”.
"Më diagnostikuan me një këputje të ligamentit në gjurin e majtë atëherë, por pasi u konsultova me specialistë të tjerë, nuk ishte aq keq sa kisha frikë. Kjo është arsyeja pse doja ta kontrolloja në Zvicër.
Një gju i riparuar kirurgjikisht trajtohet ndryshe nga një i shëndetshëm”, tha Lara.