Shiffrin fiton në sllallom, skiatorja e Shqipërisë përfundon në vend të tretë

Skijim

Shiffrin fiton në sllallom, skiatorja e Shqipërisë përfundon në vend të tretë

Nga: K.G. Më: 30 nëntor 2025 Në ora: 22:20
Mikaela Shiffrin

Skiatorja amerikane, Mikaela Shiffrin, është fituese e disiplinës së sllallomit të Kupës së Botës që u mbajt në Copper Montain të Shteteve të Bashkuara të Amerikës. 

Shiffrin zuri vendin e parë me kohë të kaluar për 1:48.75 minuta, duke lënë pas për 1 sekondë e 57 qindtat gjermanen Lena Dürr.

Skiatorja e Shqipërisë, Lara Colturi, ka shënuar edhe një sukses.

Kësaj radhe përfundoi në vend të tretë me kohë më të dobët për 1 sekondë e 85 qindtat se fituesja e garës.

Shiffrin kryeson me 300 pikë në sllallom, e ndjekur nga skiatorja e Shqipërisë e cila ka 220 pikë.

Në renditjen e përgjithshme të Kupës së Botës, Shiffrin udhëheq me 368 pikë, pasojnë Lara Colturi me 278 e Durr 224 pikë.

Renditja

1. Mikaela Shiffrin (SHBA) 1:48.75
2. Lena Dürr (Gjermania) +1.57
3. Lara Colturi (Shqipëria) +1.85
4. Wendy Holdener (Zvicra) +1.99
5. Anna Swenn-Larsson (Suedia) +2.06
6. Katharina Liensberger (Austria) +2.08
7. Katharina Truppe    (Austria) +2.21
8. Paula Moltzan (SHBA) +2.35
9. Sara Hector (Suedia) +2.40
10. Camille Rast (Zvicra) +2.43

comment Për komente lëvizni më poshtë
Sot mund të lexoni Shfletoni kopertinat