Skiatori i Zvicrës, Franjo von Allmen, është kampioni olimpik në lëshim.
Në duelin zvicerano-italian në Bormio, ai mposhti italianin Giovanni Franzoni me 20 të qindtat e sekondës, ndërsa medalja e bronztë shkoi për Dominik Paris, i cili në moshën 36-vjeçare fitoi medaljen e tij të parë olimpike.
Siç pritej, gara e lëshimit nuk solli befasi të mëdha dhe çmimi më i rëndësishëm përfundoi në duart e favoritit kryesor.
Von Allmen, fitues i dy prej gjashtë garave të lëshimit në Kupën e Botës këtë sezon, e konfirmoi formën e tij edhe në ngjarjen më të madhe.
Ishte kulmi i parë i Lojërave të 25-ta Olimpike Dimërore dhe ai përmbushi pritshmëritë. Von Allmen bashkoi titullin e kampionit botëror me atë olimpik.
Ai konsiderohej favoriti kryesor, veçanërisht pas fitores së tij javën e kaluar në Crans-Montana.
Zvicerani shkëlqeu sidomos në pjesën e sipërme të pistës së famshme Stelvio.
Italiani Giovanni Franzoni fitoi medaljen e argjendtë.
Renditja
I artë Franjo von Allmen (Zvicra) 1:51,61
I argjendtë Giovanni Franzoni (It) +0,20
I bronztë Dominik Paris (Italia) +0,50
4. Marco Odermatt (Zvicra) +0.70
5. Alexis Monney (Zvicra) +0.75
6. Vincent Kriechmayr (Austria) +0.77
7. Daniel Hemetsberger (Austria) +0.97
8. Nils Allegre (Franca) +1.19
9. James Crawford (Kanada) +1.39
10. Kyle Negomir (SHBA) +1.59