Corinne Suter feston në Soldeu

Skijim

Corinne Suter feston në Soldeu

Nga: K.Goca Më: 27 shkurt 2026 Në ora: 21:57
Corinne Suter

Garat e Kupës së Botës vazhdojnë në Soldeu të Andorrës pas Lojërave Olimpike Dimërore, ku në lëshim triumfoi skiatorja zvicerane Corinne Suter, duke fituar garën e saj të parë pas Olimpiadës këtë sezon.

Suter regjistroi fitoren e gjashtë në Kupën e Botës, duke lënë pas austriaken Nina Ortlieb, e cila zuri vendin e dytë. E treta u rendit italiania Sofia Goggia.

Suter doli e para me kohë të kaluar për 1:31.62 minut1:31.62 apo për 11 qindtat ishte më e shpejt se austriakja.

Për 31-vjeçaren zvicerane kjo ishte fitorja e parë në lëshim që nga viti 2022, kur kishte triumfuar në Garmisch-Partenkirchen.

Hera e fundit që kishte qenë në podiumin më të lartë ishte në vitin 2023, kur fitoi supersllallomin e madh në Lake Louise.

Pas garës në Andorra, Suter deklaroi:

“Është e pabesueshme! Sot isha mjaft nervoze, por u argëtova shumë në pistë, sidomos pas një fillimi të vështirë të sezonit. Mu desh kohë për t’u rikthyer në nivelin e duhur”.

Renditja
1. Corinne Suter (Zvicra) 1:31.62
2. Nina Ortlieb (Austria) +0.11
3. Sofia Goggia (Italia) +0.24
4. Emma Aicher (Gjermania) +0.53
5. Breezy Johnson (SHBA) +0.61
6. Cornelia Hütter (Austria) +0.62
7. Kajsa Vickhoff Lie    (Norvegjia) +0.83
8. Jacqueline Wiles (SHBA) +1.03
9. Laura Pirovano (Italia) +1.23
10. Ester Ledecka (Çekia) +1.27

comment Për komente lëvizni më poshtë
Sot mund të lexoni Shfletoni kopertinat