Aktorja e famshme amerikane Cassandra Peterson akuzoi një nga yjet më të mëdhenj të NBA së të të gjitha kohërave, Wilt Chamberlain, për përdhunim!
Para se të botonte librin e saj, ajo zbuloi detaje në lidhje me marrëdhënien e saj me ish basketbollistin Chamberlain dhe sekretin që mbante nga të gjithë përveç ish-burrit të saj Mark Pearson.
"Unë nuk i tregova askujt atë histori tronditëse, të turpshme dhe traumatike", - tha 70-vjeçarja Cassandra Peterson.
Sulmi seksual ndodhi gjatë viteve të shtatëdhjeta, kur Chamberlain ishte ylli më i madh i NBA-së në atë kohë.
Në njërën nga festat që po bënte, ai e ftoi aktoren t’i tregonte vitrinën në të cilin mban një koleksion fanellash, dhe atje e detyroi atë të bënte seks oral.
"Pse nuk bërtitët, nuk u mbrojtët apo ikët? Kur një burrë dy metra me 140 kilogramë ju mban dorën në qafë, nuk mund të bëni asgjë. A duhet ta kisha raportuar atë në polici? Po tallesh? Çfarë shansi do të kishte një aktore e papunë kundër një superylli sportiv?", - pyet Cassandra.
Për vite me radhë, ajo nuk guxoi t'i tregonte askujt detajet e ngjarjes së pakëndshme dhe u ndje fajtore për atë që ndodhi.
"Unë thjesht e mbajta atë sekret nga të gjithë gjatë gjithë jetës sime.
Dhe është e trishtueshme që ai ishte shoku im për kaq shumë vite, prandaj u ndjeva edhe më e trishtuar dhe më e tmerrshme, u ndjeva si një idiote. Unë pothuajse e binda veten se ishte faji im që ndodhi”, tha ajo për “People”.
Wilt Chamberlain vdiq në vitin 1999, dhe pas karrierës së tij ai mburrej se kishte fjetur me më shumë se 20,000 gra në jetën e tij. Ai ishte i njohur për stilin e tij të shthurur.
