Media serbe shkruan me neveri: Serbia e njeh Kosovën!

Sporti

Media serbe shkruan me neveri: Serbia e njeh Kosovën!

Nga: Kemajl Goca Më: 13 shkurt 2022 Në ora: 22:14
Media serbe shkruan me neveri: Serbia e njeh Kosovën!

Media serbe “Glas-javnost” ka shkruar për Kampionatin Ballkanik U-20 të atletikës, e cila u mbajt në Beograd. 

Kjo media ka shkruar me titull: "Serbia e njeh Kosovën? Atletët nga krahina jugore serbe u paraqitën me emrin e një shtetit tjetër, dhe atë në Beograd”. 

“Sportistët nga Kosova për herë të parë morën pjesë në garat ndërkombëtare në territorin e Serbisë. Federata e Atletikës së Kosovës të shtunën ka performuar me sportistë të rinj në Kampionatin Ballkanik U-20 të atletikës në salla të mbyllura.

Image

Shkrimi i medias serbe

Kryetari i Federatës së Atletikës së Kosovës, Halil Sylejmani, përzgjedhësi Bajram Duja dhe drejtuesi i ekipit Adrian Mazreku kanë folur për paraqitjen e sportistëve në Beograd.

Sylejmani ka thënë se gjithçka ka shkuar mirë gjatë rrugës, por edhe pas mbërritjes në Beograd.

Deri më tani, sportistët kosovarë nuk janë lejuar të garojnë në garat ndërkombëtare që mbahen në Serbi, nga ku boksierët kosovarë janë kthyer tri herë, kur nuk janë lejuar të marrin pjesë në Kampionatin Botëror të Boksit, i cili po ashtu u mbajt në Beograd”, ka shkruar me neveri ky medium.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat