Pas përplasjes me guvernatoren”, Veliaj SMS Dukës

Sporti

Pas përplasjes me guvernatoren”, Veliaj SMS Dukës

Më: 13 maj 2022 Në ora: 11:21
Pas përplasjes me guvernatoren”, Veliaj SMS Dukës

Tirana do të mirëpresë finalen e madhe të kompeticionit të ri të UEFA-s, Ligën e Konferencës më 25 maj në stadiumin “AIR Albania” ku do të përballen Roma me Fejnordin. Gjatë një interviste për këtë finale ka folur kryetari i Bashkisë së Tiranës, Erion Veliaj, i cili ka zbuluar dhe axhendën për këtë sfidë në kryeqytet ku gjithashtu ka dhe një “SMS” për presidentin e FSHF-së, Armand Duka:

“Unë nuk i heq asnjë presje akuzave. Ju kujtoj që qeveria e Japonisë, guvernatorja e Tokios kishte debate të jashtëzakonshme me organizatorët e Lojërave Olimpike, por ajo tha që kur të përfundojë Olimpiada, debatet do t’i zgjidhnin. Më vonë iku një nga drejtuesit e Lojërave Olimpike, Komiteti organizator i Tokios.

Kjo do të thotë që ka një kohë për çdo gjë. Kjo është një kohë kur në Tiranë bëhet një ndeshje, ku Bashkia e Tiranës ka përgjegjësinë kryesore.

Nëqoftëse në stadium janë 90 minuta, kryeqyteti do të përfshihet në 90 orë. Tirana do të ketë tre ‘Fan Zone’. Një zonë tifozerie do të jetë e dedikuar për Fejnordin në pedonalen e Tiranës.

Një zonë tifozerie do të jetë te diga e Liqenit Artificial të Tiranës për skuadrën e Romës. Dhe qendra e Tiranës do të jetë një zonë tifozerie për ata që ndoshta nuk janë fanatikët e kësaj ndeshje.”, përfundoi Erion Veliaj për “Report TV”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat