Tradhtia është sërish shkaku? Khloe Kardashian dhe Tristan Thompson i japin fund lidhjes

Bota e Yjeve

Tradhtia është sërish shkaku? Khloe Kardashian dhe Tristan Thompson i japin fund lidhjes

Më: 23 qershor 2021 Në ora: 00:13
Khloe Kardashian dhe Tristan Thompson

Sipas tyre, ndarja ka ndodhur disa javë më parë, raporton “Page Six”.

“Ata po merren vesh. Nuk ka dramë,”- tha një burim, duke shtuar se ndarja është miqësore.

Kardashian dhe Thompson janë prindër të vajzës 3-vjeçare True dhe do të vazhdojnë të jenë të dy të pranishëm në jetën e së bijës.

Image

Sipas burimit, çifti u nda menjëherë pasi modelja e Instagramit, Sydney Chase, pretendoi gjatë një interviste në prill se pati një lidhje me lojtarin e “NBA-së” në vjeshtë.

Lajmi i ndarjes së tyre vjen pas raporteve se Thompson u pa duke hyrë në një dhomë me tre gra në një festë ditëlindjeje në Bel Air dhe doli 30 minuta më vonë me një pamje të ” çrregullt”. Një ditë më parë ai ishte parë duke darkuar me Khloe-n dhe True-n.

Burimi pretendoi se Thompson qëndroi në dhomë me derën e mbyllur për të paktën 30 minuta para se të dilte.

Image

“Kur ai hyri, këmisha e tij ishte në rregull, ndërsa kur doli këmisha e tij ishte rrëmujë, ai dukej i çrregullt,”- pretendoi burimi, duke shtuar: “Ai vazhdoi të festonte për rreth një orë tjetër dhe më pas u largua nga festa rreth orës 4 të mëngjesit me shoqëruesin e tij.”

Burimi pohoi gjithashtu se Thompson nuk humbi kohë sapo filloi të flirtonte me një nga zonjat që dyshohet se e solli në dhomën private.

Image

Kjo nuk është hera e parë që Thompson përflitet për tradhti, pas rikthimit me Khloe-n, vitin e kaluar. Megjithatë, në prill, kur Chase pretendoi se Thompson kishte tradhtuar Kardashian me të, ai i mohoi me forcë pretendimet e modeles.

Image
Shfaq komentet
comments powered by Disqus
Sot mund të lexoni Shfletoni kopertinat