Dua Lipa duket tejet joshëse edhe pa makijazh

Bota e Yjeve

Dua Lipa duket tejet joshëse edhe pa makijazh

Më: 23 tetor 2021 Në ora: 13:57
Dua Lipa

Dua Lipa mori vëmendjen teksa bëri një largim shumë elegant nga “Chiltern Firehouse” në Londër në orët e para të mëngjesit të së shtunës.

Këngëtarja, 26 vjeçe, dukej sensacionale teksa veshi një xhaketë me printime topash futbolli dhe yjesh, shkruan DailyMail.

Ajo e veshi xhaketën ngjyrë kafe dhe të zezë mbi bluzën e saj të bardhë, gjersa në pjesën e poshtme kishte veshur një palë pantallona të zeza.

Image

Duke mos u grimuar për të shfaqur bukurinë e saj natyrore, fituesja e çmimit “Grammy” dukej edhe më tërheqëse një çantë të zezë dhe këpucë elegante.

Dua u nderua nga Këshilli Atlantik të enjten si një nga marrëset e Çmimeve të Lidershipit të Shquar 2021.

Ylli i popit do të jetë e ftuar për ta tërhequr çmimin në një gala mbrëmje më 10 nëntor në Auditoriumin ‘Andrew W. Mellon’ në Uashington, DC.

Gala mbrëmja do të shërbejë gjithashtu për të festuar 60-vjetorin e Këshillit Atlantik, i cili promovon udhëheqjen konstruktive të Shteteve të Bashkuara së bashku me aleatët globalë.

Image

“Përfituesit e çmimeve të Lidershipit të Dalluar 2021 përfaqësojnë më të mirën e marrëdhënieve transatlantike”, tha Frederick Kempe, president dhe CEO i Këshillit Atlantik, në një deklaratë.

“Në një moment në histori gjatë të cilit sfidat e pashembullta kërkojnë udhëheqës të jashtëzakonshëm, është një privilegj të përshëndes një grup kaq të jashtëzakonshëm të nderuarish,” shtoi ai.

Dua do të nderohet me Çmimin e Lidershipit Artistik të Shquar për karrierën e saj të shkëlqyer muzikore dhe për angazhimin e saj në kauzat filantropike, duke përfshirë fuqizimin e gjeneratës së ardhshme të liderëve dhe muzikantëve ballkanikë.

Interpretuesja e hitit “Love Again” ka lindur në Londër nga prindër shqiptarë të Kosovës dhe u zhvendos me familjen e saj në vitin 2008 në Prishtinë pasi Kosova shpalli pavarësinë përpara se të kthehej në Londër për të ndjekur karrierën e saj si këngëtare.

Image

Këshilli Atlantik në publikimin e tij citoi punën e Duas me Fondacionin e saj ‘Sunny Hill’ që synon të përmirësojë jetën në Kosovë.

Duas do t’i bashkohet në gala mbrëmje Vjosa Osmani, 39 vjeçe, presidentja e pestë e Republikës së Kosovës, e cila do të mbajë një fjalim të veçantë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat