Rita Ora vazhdon paradën e modës në Nju Jork me plot stil dhe paraqitje mbresëlënëse

Bota e Yjeve

Rita Ora vazhdon paradën e modës në Nju Jork me plot stil dhe paraqitje mbresëlënëse

Nga: M.L. Më: 15 korrik 2025 Në ora: 17:18
Rita Ora

Këngëtarja shqiptare Rita Ora e ka shfrytëzuar në maksimum udhëtimin e saj të punës në New York, duke shfaqur një gardërobë të mrekullueshme me rroba dizajnerësh gjatë qëndrimit në qytet.

Këngëtarja, e cila ndodhej në “Big Apple” për të qenë kryeartiste në një koncert falas në Brooklyn Bridge Park, e ka kthyer rrugën e qytetit në pasarelën e saj gjatë gjithë javës së kaluar.

Veshja e saj të dielën në mbrëmje ishte nga dizajneri i saj i preferuar për momentin, Pucci. Rita e kishte kombinuar një nga shallët ikonike të shtëpisë së modës, me vlerë rreth 400 £, me një fund të ngushtë që theksonte linjat dhe çizme në stilin “cowboy”.

Image
Rita Ora

Më herët gjatë ditës, Rita kishte veshur një tjetër pamje rozë, me xhinse me print Pucci që kushtojnë rreth 750 £, një bluzë të lirshme dhe syze të mëdha dielli me një gjerdan të spikatur.

Të hënën, Rita u pa me një fund të shkurtër ngjyrë gri dhe xhaketë për daljet e saj në shtyp dhe promovime në qytet.

Image
Rita Ora

Pamja në stilin e filmit Clueless u kompletua me një bluzë me mbishkrimin “The Rumors Are True” dhe një shpërthim ngjyre nga çorapet e saj të verdha të ndezura.

Të dielën në mbrëmje, Rita u shfaq me një pamje më të guximshme, duke tërhequr vëmendjen me pantallona shumë të shkurtra dhe një korse provokuese gjatë një nate në qytet.

Rita po kalon një kohë të mrekullueshme në Nju Jork dhe solli një pjesë të shtëpisë me vete, duke shkuar të dielën në stadiumin MetLife në New Jersey për të mbështetur ekipin e futbollit Chelsea.

Ylli u konsiderua si "fati i mirë" i Chelseat, ndërsa ata triumfuan me rezultat 3-0 kundër Paris Saint-Germain në Kupën e Botës për Klube të FIFA-s 2025.

Image
Rita Ora

Ajo u përshkrua si maskota me fat e skuadrës nga mikja e saj fotografe Rosie Matheson, e cila ndau momentet festive të Ritës në Instagram.

Ajo gjithashtu ka qenë aktive me intervista në NYC, duke u shfaqur në emisionin “Elvis Duran and the Morning Show”, ku foli për miqësinë e saj me të ndjerin Liam Payne.

Rita u pyet nëse do ta shikojë serialin e ri televiziv që përfshin këngëtarin e ndjerë, duke pranuar se ende mendon për të herë pas here, gjë që, sipas saj, e mban kujtimin të gjallë, pas ndarjes së tij nga jeta në Argjentinë drejt fundit të vitit të kaluar.

Moderatori Elvis e pyeti nëse do ta ndjekë serialin Building the Band, projekti i fundit i Liam-it – i cili përfundoi xhirimet pak përpara vdekjes së tij.

Katër episodet e para janë transmetuar në Netflix më herët këtë javë, ndërsa tre të tjerët do të publikohen më 16 korrik.

comment Për komente lëvizni më poshtë
Sot mund të lexoni Shfletoni kopertinat