U kritikua për Muriqin, por Igli Tare po transferon edhe një tjetër shqiptar tek Lazio

Futboll

U kritikua për Muriqin, por Igli Tare po transferon edhe një tjetër shqiptar tek Lazio

Më: 6 janar 2021 Në ora: 13:12
U kritikua për Muriqin, por Igli Tare po transferon edhe një tjetër shqiptar tek Lazio

Edhe pse është në qendër të  kritikave nga mediat italiane lidhur me transferimin e sulmuesit shqiptarë, Vedat Muriqi, Drejtori Sportiv i Lacios, Igli Tare, nuk heq dorë nga bashkëkombasit e tij, teksa së fundmi po mendon të përforcojë mbrojtjen me Shkodran Mustafin, futbollistin me origjinë nga Gostivari.

Mustafi aktualisht është pjesë e Arsenalit, te e cila skuadër po kalon momentet e fundit, kjo pasi edhe drejtuesit e skuadrës londineze janë të interesuar për shitjen e tij.

Lacio  ka hasur në shumë vështirësi në fazën e mbrojtjes, duke pësuar 31 gola në kampionat dhe në Ligën e  Kampionëve, ndaj dhe drejtuesit e kësaj skuadre po kërkojnë një qendërmbrojtës.

Ndër emrat që janë shfaqur së fundmi është ai i Shkodran Mustafit, i kërkuar edhe në verë, pasi duket se transferimi i Armando Izzo i Torinës është shumë i vështirë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat