E presin si tradhtar

Futboll

E presin si tradhtar

Më: 26 janar 2021 Në ora: 11:17
E presin si tradhtar

Një kthim i hidhur për Mario Balotelli në Brescia. Sulmuesi i Monza, i padisponueshëm për shkak të dëmtimit, nuk zbriti në fushë, por u paraqit në stadium, për ta shkuar lojën nga tribuna. Gjithsesi, ai nuk mundi të kalonte një mbrëmje të qetë.

Siç shkruan “Corriere della Sera”, në fakt, posa Balotelli mbërriti me makinë në hyrje të parkingut, u ndalua nga oficerët e sigurisë.

Gjë që e pengoi atë të parkonte brenda objektit, duke i thënë se nuk kishte autorizim. Pas një diskutimi të shkurtër, sulmuesi hoqi dorë, u kthye mbrapsht dhe parkoi makinën e tij në trotuar, pranë hyrjes së stadiumit. Pastaj, hyri dhe shikoi ndeshjen.

Jashtë stadiumit, tifozët e Brescia shfaqën një banderolë të madhe, që shënjestronte sulmuesin, i cili kaloi vitin e kaluar në Brescia, por u largua mbas pushimit për shkak të Covid-19 (aktualisht ka një proces gjyqësor kundër Cellino).

“Balotelli, ka lojtarë të tjerë që e kanë dashur këtë qytet. Për ne vleni zero, njeri pa dinjitet”, – ishin fjalët në atë baner, që dëshmonin se tashmë SuperMario shihet si tradhtar në vendlindje.

commentFirst article
Sot mund të lexoni Shfletoni kopertinat