Conte: Ne e kemi vendosur Juven në vështirësi, më vjen keq

Futboll

Conte: Ne e kemi vendosur Juven në vështirësi, më vjen keq

Më: 3 shkurt 2021 Në ora: 11:15
Conte: Ne e kemi vendosur Juven në vështirësi, më vjen keq

Antonio Conte është i hidhëruar nga humbja në shtëpi kundër Juventusit, në ndeshjen e parë gjysmëfinale të Kupës së Italisë.

Interi humbi 2-1 midis “Giuseppe Meazza” dhe nëse e do finalen, duhet të fitojë me dy gola epërsi në shtëpinë e Juventusit në sfidën e kthimit, transmeton Gazeta Express.

“Ne bëmë gjithçka, por bëmë gjithashtu dy gabime naive që Juve i shfrytëzoi, duke fituar në fund 2-1. Duhet të jemi më cinikë, por kemi krijuar shumë. Por kundër Juventusit duhet t’i shfrytëzosh mundësitë. Paraqitja ishte e shkëlqyeshme, vetëm rezultati ishte negativ.

Ne e kemi vendosur Juven në vështirësi, më vjen keq sepse meritonim shumë, shumë më tepër se rezultati përfundimtar. Është e pashmangshme që pas humbjes një 2-1 në shtëpi duhet të fitosh me dy gola. Nuk do të jetë shëtitje në park”, u shpreh Conte.

Conte reagoi edhe për pakënaqësinë e Vidalit në momentin e zëvendësimit, trajneri zikaltër specifikoi: “Unë nuk shikoj reagimet e lojtarëve, marr vendimet”.

Sfida e kthimit mes Interit dhe Juves do të zhvillohet të martën me nëntë shkurt.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat