Tjetër ndalesë për Eden Hazard, i cili është kushtëzuar nga dëmtimet që nga momenti që është transferuar te Real Madrid.
Problemi i fundit fizik i belgut ka bërë që të kthehen polemikat rreth futbollistit, i cili është mbrojtur nga trajneri i kombëtares së tij Roberto Martinez.
“Nuk ka patur fat, por nuk mund të jemi kaq negativë. Kam ndjesinë se kur të kthehet, do të bëjë akoma mirë”, ka thënë trajneri i Belgjikës për Het Laatste Nieuws.
Në lidhje me Europianin: “Është një nga liderët tanë më të mëdhenj, nuk duam as që ta mendojmë që ai, ashtu si Courtois, Lukaku ose De Bruyne, të mund të mungojë në kompeticionet e ardhshme”.
