Ndeshja mes Leipzig dhe Liverpool edhe zyrtarisht nuk do të zhvillohet në Gjermani.
Takimi mes klubit gjerman dhe atij anglez në kuadër të 1/16 në UEFA Champions League – nuk do të zhvillohet në ‘Red Bull Arena’.
Drejtori sportiv i Leipzig, Oliver Mintzlaff në një intervistë për ‘Sky Sport’ tha se janë dy opsione se ku mund të zhvillohet ndeshja. Në Tottenham ose në Budapest.
“Janë dy mundësi, është Tottenhami dhe Budapesti. Nesër do të bisedojmë me UEFA-n, kurse vendimin do ta publikojmë të hënën”, ka thënë Mintzlaff.
Takimi i parë mes Leipzig dhe Liverpoolit zhvillohet më 16 shkurt, kurse i dyti më 10 mars.
