Superiorja rikthehet sot me një duel mjaft interesant. Në stadiumin “Niko Dovana” do të përballen Teuta dhe Kukësi, ekipe me objektiva madhore këtë sezon.
Ky duel nis prej orës 16:00 dhe durrsakët janë të motivuar për të marrë pikët e plota, pasi duan të rikthehen në vendin e dytë dhe të vënë në presion Vllazninë kryesuese dhe të përfitojnë nga përballja direkte e rivalëve, Partizanit dhe Laçit.
Trajneri Edi Martini nuk do të ketë për këtë ndeshje vetëm mbrojtësin e majtë Aleksandros Kouros, i pezulluar me kartonë të verdhë.
Nga ana tjetër Kukësi në këtë ndeshje do kërkojë të mbetet në garë për ne kupat e Evropës nga kampionati.
