Barcelona nuk shkoi përtej 1-1 në ndeshjen e kthimit të 1/8 finale të Ligës së Kampionëve dhe u eliminua nga PSG, e cila kishte fituar 4-1 në “Camp Nou”. Sidoqoftë, një mbrëmje emocionuese u përjetua në “Parce des Princes”, me ashpërsinë e Mbappè për të hapur rezultatin dhe një perlë e Messit për t’u kundërpërgjigjur.
Dy fenomenet në fjalë pushtuan me të drejtë skenën. E gjitha kjo nuk i shpëtoi Fabio Capello, i cili, në fund të ndeshjes, analizoi për “Sky Sport”: “Krahasimi mes Messit dhe Mbappé? Leo që pamë sonte është një fenomen i ndaluar nga portieri dhe nga Marquinhos. Një futbollist me diçka ndryshe. Ai provoi edhe një herë se ka diçka më shumë se të tjerët dhe se është një gjeni absolut ”.
Ky është mendimi i ish-trajnerit të njohur, i cili nuk e humbi mundësinë për t’iu rikthyer kryqëzimit të Cristiano Ronaldos, pas eliminimit të Juventusit me Porton, duke e krahasuar atë me “Pleshtin”: “Të tjerët do të fitojnë “Topa të Artë”, siç i fitoi Cristiano Ronaldo, por Messi është gjeniu, sepse i bën gjërat me cilësi dhe shpejtësi të paimagjinueshme për të tjerët.
Ai përdor këmbët e tij, ndërsa të tjerët përdorin duart. Sonte pashë një Messi të madh dhe një Barcelona të bukur. Presidenca e re re ndoshta u ka dhënë motivim të gjithëve”.
