Milot Rashica është duke e pritur një gol në ndeshje zyrtare për Werder Bremenin që nga 27 qershori, 2020. Në fitoren 6-1 kundër Kolnit, dita e 34 e ndeshjes së sezonit paraardhës anësori shënoi për herë të fundit.
Pas një sërë dëmtimesh, Rashica më në fund është kthyer në formën e dëshiruar, por goli ende mungon.
Megjithatë, trajneri i Bremenit ka një ndjenjë të mirë para ndeshjes kundër Wolfsburg që “agjërimi” do të marrë fund.
“Ai shënon një gol të shtunën, unë besoj në të. Ai tani do të shënojë edhe golin e tij. Është një ndjenjë. Nuk mund të premtoj, por mendoj se do të jetë e shtuna” – u shpreh Kohfeldt.
Golat do të ndihmonin Rashicën (kontratë deri në vitin 2022) dhe Werderin gjithashtu.
Kjo sepse në verë Rashica pritet të shitet. Mes shumë klubeve të interesuara, më në fund do ta rekomandojë veten përsëri te klubet e tjera dhe mund t’i sjellë Werderit një tarifë më të lartë.
