Kapiteni i Barcelonës Lionel Messi thuhet se i ka dorëzuar presidentit Joan Laporta një “listë të kërkesave” që ai dëshiron që klubi të përmbushë nëse ai do të qëndrojë dhe të nënshkruajë një rinovim të kontratës me Barcelonën.
Argjentinasi thuhet se është “i hapur” ndaj idesë për të qëndruar por ka tre kërkesa kryesore që ai dëshiron që klubi të përmbushë para se të vendosë nënshkrimin në letrën e rinovimit, sipas Eurosport.
Kërkesa e parë ka të bëjë me merkaton verore. Messi ka kërkuar nënshkrime të rëndësishme nga klubi në mënyrë që të ndërtojë një skuadër kompakte edhe në Champions League.
Eric Garcia në një transferim falas do të përmbushte këto kritere, sipas raportit, ashtu si edhe ardhja e Erling Haaland. Messi beson se një nënshkrim i “çmendur” si ai i Haalandit ose Lautaros është thelbësor nëse klubi do të dominojë përsëri Evropën.
Kapiteni gjithashtu dëshiron të shohë një “besim të përtërirë tek të rinjtë” dhe dëshiron që klubi të vazhdojë të ndërtojë rreth lojtarëve të tyre të rinj. Messi “ndërtoi një kimi” me Pedri, Ansu Fati dhe Ilaix Moriba dhe dëshiron që klubi të vazhdojë në atë rrugë.
Dhe së fundmi, Messi gjithashtu dëshiron një “linjë të drejtpërdrejtë komunikimi” me Laportën dhe sekretarin teknik Ramon Planes. Messi tashmë gëzon një marrëdhënie të hapur me Ronald Koeman dhe dëshiron që kjo të shtrihet edhe tek shefat e klubit.
