Nëse mendoni se Jose Mourinho është i çmendur, atëherë nuk do të habiteni aspak nga kërkesa e tij e fundit për merkaton. Sipas mediave në Angli, “Special One”, i ka kërkuar drejtuesve të Tottenham që të nënshkruajnë me Maroune Fellaini.
Mesfushori belg luan prej 2 sezonesh në Kinë te Shandong Luneng, por Mourinho kërkon ta rikthejë në Premier League. Një kërkesë vërtet e çuditshme, pasi Fellaini përveçse ka luajtur në nivele të ulëta 2 vitet e fundit, është edhe 33 vjeç tashmë.
Në Kinë shumë lojtarë nga Europa po largohen dhe Fellaini duket se do të ndjekë të njëjtën rrugë, pasi do të prishë kontratën me klubin e tij.
Tani mbetet për t’u parë në rast se Tottenham do të plotësojë dëshirën e Mourinhos, në mënyrë që trajneri të ketët një ribashkim me Fellainin.
