Interi me vendim të veçantë

Futboll

Interi me vendim të veçantë

Më: 21 prill 2021 Në ora: 12:26
Interi me vendim të veçantë

Interi ka konfirmuar se është tërhequr nga Superliga Evropiane, duke u bërë klubi i parë italian dhe i shtati në përgjithësi që tërhiqet nga kjo garë e propozuar.

Klubi zikaltër njoftoi në uebsajtin e vet se nuk do të jetë më pjesë e Superligës dhe se është i përkushtuar për t’i ofruar tifozëve të vet përvojën më të mirë.

“FC Internazionale Milani konfirmon se klubi nuk është më pjesë e projektit për Superligën Evropiane”, thuhet në njoftimin e Interit.

“Ne jemi gjithmonë të përkushtuar për t’iu ofruar tifozëve përvojën më të mirë në futboll; inovacioni dhe përfshirja kanë qenë gjithmonë pjesë e ADN-së sonë që prej themelimit”, thuhet tutje në njoftim.

Ndërkohë, themeluesi i Superligës dhe presidenti i Juventusit, Andrea Agnelli, e ka pranuar se ka dështuar përfundimisht Superliga Evropiane, e cila për synim kishte ta zëvendësonte Ligën e Kampionëve si garën kryesore evropiane për klube.

I pyetur nëse ende ka gjasa që projekti i tyre të realizohet pas largimeve, Agnelli tha për Reuters: “Të jem i sinqertë me ju, jo, përfundimisht nuk do të ndodhë”.

Para Interit, të martën vonë u tërhoqën edhe gjashtë klubet angleze, Manchester City, Manchester United, Chelsea, Liverpool, Arsenal dhe Tottenham u tërhoqën.

Nga 12 klube themeluese të kësaj lige, vetëm Real Madridi, Barcelona, Atletico Madridi, Juventusi dhe Milani kanë mbetur ende në listë.

comment Për komente lëvizni më poshtë
Sot mund të lexoni Shfletoni kopertinat