Vllaznia-Teuta përfundoi në barazimin i cili i dëmtoi të dyja skuadrat, pasi tashmë vendi i parë mbahet nga Partizani. Pavarësisht përpjekjes së të dyja skuadrave, asnjëra prej tyre nuk arriti të gjejë rrjetën. Kur kanë mbetur 5 javë nga përfundimi i Superligës, gjithçka mbetet e hapur për Vllazninë, Teutën dhe Partizanin.
Arbi Laçi, ish-drejtori sportiv i Tiranës ishte i ftuar në emisionin “Skaner” në MCN TV, ku foli për ndeshjen Vllaznia-Teuta. Ndër të tjera, Laçi tregoi dhe lojtarët e preferuar.
“Deri tani unë kisha dy lojtarët e mi më të preferuarit në kampionat: “Dejvi Bregu dhe Gurishta”. Duke parë përballjen e tyre dhe jo vetëm në këtë ndeshje, por edhe nga mënyra sesi janë paraqitur në takimet e shkuara, për mua më i preferuari është Gurishta.
U tha se Gurishta është mbrojtësi më i mirë, tashmë do të them është lojtari më i mirë në këndvështrimin tim”- u shpreh Arbi Laçi..
