Pioli kundër

Futboll

Pioli kundër

Më: 8 maj 2021 Në ora: 14:15
Pioli kundër

Nëse do të kishim një DeLorean, do të ktheheshim atje, në vjeshtën e vitit 1996, në ato dhjetë minuta që askush prej nesh nuk i mban mend (mbase). Pirlo dhe Pioli në fushë, si kundërshtarë, hera e parë dhe e vetme që u përballën me njëri-tjetrin si lojtarë.

17-vjeçari i talentuar kundër mbrojtësit në fund të karrierës së tij. Brescia-Padova, Serie B, stadiumi “Rigamonti”, më 24 nëntor. Nga njëra anë, Doni, mister Reja dhe Filippini; nga ana tjetër Beppe Materazzi, Cristiano Lucarelli dhe Castellazzi.

Pastaj Andrea dhe Stefano, dhjetë minuta kundër, sepse i pari zëvendësoi Donin dhe u vendos si trekuartist, duke fituar 3-1. Fillimi i një historie, por edhe i një tabuje që zgjat prej 25 vitesh, sepse Pioli nuk e ka mposhtur kurrë Pirlon; as si lojtar dhe as si trajner. Nesër do të takohen për herë të dytë si kundërshtarë në stol. Për ta shtuar antagonizmin, është një top-ndeshjeje që vlen kualifikimin në Champions. Pra, kush humbet del nga kjo lloj gare…

FILLIMI I TABUSË – Bilanci i Pioli nuk është me fat: 9 ndeshje ndaj Pirlos si lojtarë, 8 humbje dhe 1 barazim (Bologna, 1-1, më 2012). Ndeshja e parë midis trajnerit Stefano dhe futbollistit Andrea ishte 15 vjet më parë, Parma-Milan 0-2.

Humbje pa justifikime, me golat e Seedorf dhe Kakà. Përballja e dytë arrin disa muaj më vonë dhe është edhe më e qartë, 0-3 në “San Siro”. Pioli do të shfajësohej pas atij nokauti kundër Romës (në vend të tij, Ranieri). Në vitin 2010 nënshkruan me Chievo, por e para kundër Pirlos shkon si ato të mëparshmet (3-1). Andrea nuk do të jetë në fushë, në ndeshjen e kthimit. Sfidat me Milanin përfundojnë këtu.

EDHE ME JUVE – Me “Zonjën e Vjetër”, Pirlo nuk është më keq. Pesë humbje midis Bologna (2) dhe Lazio (3), përfshirë finalen e Kupës së Italisë 2015, në stolin e bardhekaltërve. E para në karrierën e trajnerit aktual të kuqezinjve.

Radu shënon 1-0 pas 4 minutash, Chiellini barazon dhe Matri e dërgon trofeun në Torino, me një “blic” në kohën shtesë. Në mes, megjithatë, ajo shtyllë e dyfishtë e goditur nga Djordjevic nga distanca, dhe në 1-1. Manifesti i fatit të keq. Pra, bilanci thotë vetëm një barazim me Pirlon në fushë, me Bologna më 2012 (1-1).

Nën titullin “misteri kundër misterit” ka vetëm një precedent, ndeshja e parë e fituar nga bardhezinjtë (1-3) në “San Siro”. Dhe kundër Juves, Pioli ka fituar vetëm një herë në 22 ndeshje (16 humbje, 5 barazime; 8 pikë të fituara). Le të kujtojmë edhe “pokerin” e fiksuar nga Sarri në sezonin e kaluar (4-2). E nesrmja është ndeshje që vlen një vend në Champions; por për Piolin ekziston një tabu për t’u prishur, ndoshta duke menduar përsëri atë ndeshje të 25 viteve më parë...

commentFirst article
Sot mund të lexoni Shfletoni kopertinat