Luma largohet nga Shkëndija

Futboll

Luma largohet nga Shkëndija

Më: 17 qershor 2021 Në ora: 12:48
Luma largohet nga Shkëndija

Ensar Luma nga 15 qershori edhe zyrtarisht ndahet me klubin e tij amë, Shkëndijën e Tetovës.

Sulmuesi dhe drejtuesit e klubit kanë vendosur të ndajnë rrugët me akord të dyanshëm, duke respektuar dëshirën e lojtarit për të kërkuar skuadër ku do të ketë më shumë hapësira për lojë.

20 vjeçari është talent i dalë nga shkolla e futbollit Shkëndija dhe me paraqitje pozitive në ekipet e moshave arriti në skuadrën e parë, si dhe grumbullohej me moshat e Maqedonisë së Veriut.

Sezonin e fundit kur Shkëndija fitoi titullin e 4 kampion në histori, Luma u paraqit në 4 ndeshje, teksa shënoi një gol.

Mungesa e hapësirave në një skuadër ku konkurrenca është jashtëzakonisht e madhe duket se kanë bindur lojtarin se pavarësisht dashurisë së madhe ndaj klubit amë, në këtë moment realiteti i tij është të kërkojë fatin në mjedis tjetër ku do të ketë më shumë minuta për lojë dhe me këtë të kërkojë kthimin te përfaqësuesja U21 e Maqedonisë ku ka të drejtë të paraqitet edhe një kampanjë.

Lojtari mund të jetë i vlefshëm për shumë klube në Kosovë që kërkojnë të përforcojnë fazën sulmuese.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat