Diogo Dalot u ka dërguar një mesazh tifozëve portugezë pas debutimit me Kombëtaren e Portugalisë, në barazimin 2:2 mbrëmë kundër Francës.
Mbrojtësi i krahut të djathtë i Manchester United bëri paraqitjen e parë, ku hyri në pjesë të dytë si zëvendësues i Nelson Semedos.
Tani, 22-vjeçarit i është bërë realitet ëndrra për t’u paraqitur me shtetin e tij, dhe këtë gëzim e ndau në rrjetet sociale.
“23.06.2021. Këtë ditë do ta mbaj në mend si ditën që njëra nga ëndrrat e mija u bë realitet”, shkruan Dalot në Twitter.
“Çfarë nderi i madh është të paraqitem për shtetin tim, në finale të një Evropiani, dhe në fazën e grupeve”, shton ai.
Dalot u paraqit me Portugalinë U21, me të cilën arriti deri në finale të Kampionatit Evropian, duke e humbur nga Gjermania me rezultat minimal 1:0.
Ndërsa, ai u promovua në skuadrën kryesore të Kombëtares së Portugalisë si zëvendësim i yllit të Manchester Cityt Joao Cancelo, i cili ka kontraktuar virusin COVID-19.
