“Unë e shoh si diçka të papërgjegjshme që dhjetëra, mijëra njerëz të mblidhen në hapësira të mbyllura, në vendet e klasifikuara me rrezik të lartë për shkak të variantit shumë ngjitës Delta”.
Ministri gjerman i sporteve, Horst Seehofer, përmes shtypit lokal adresoi një sulm të ashpër ndaj UEFA-s dhe qeverisë britanike, sipas tij fajtorë për lejimin e shumë spektatorëve në “Wembley”, ndërsa në Mbretërinë e Bashkuar infeksioni është tejet në rritje për shkak të variantit Delta të koronavirusit.
Ndërsa shpresohet për një ulje të numrit të njerëzve në impiantin historik të Londrës me të paktën 20% për gjysmëfinalet dhe finalen e “Euro2020”, në kryeqytetin anglez presin sonte Gjermaninë.
Kjo e fundit do t’i sfidojë mikpritësit përpara 45 mijë tifozëve (50% e stadiumit, e cila do të bëhet 60 mijë për tri sfidat e fundit të kompeticionit).
