Ja pse Chiellini e quajti “gënjeshtar” Jordi Alba

Futboll

Ja pse Chiellini e quajti “gënjeshtar” Jordi Alba

Më: 7 korrik 2021 Në ora: 09:34
Jordi Alba dhe Giorgio Chiellini

Pas suksesit të Italisë ndaj “Furive të Kuqe” në gjysmëfinalen e “Euro 2020”, Spanja vazhdon të diskutojë për atë që debatuan Jordi Alba dhe Giorgio Chiellini në rastin e shortit se në cilën portë do të goditeshin penalltitë.

Të dy kapitenët u gjetën në qendër të fushës me gjyqtarin gjerman Felix Brych për të hedhur shortin. Arbitri hodhi monedhën, e cila më pas ra në tokë. Jordi Alba gabimisht besoi se ai kishte fituar shortin dhe do të goditeshin penalltitë tek ana e tifozëve spanjollë, me Chiellini që filloi të qeshte dhe ta godiste atë lehtë dhe me shaka në fytyrë. Mbrojtësi spanjoll pretendoi se monedha i dha të drejtë atij. “Gënjeshtra” ose “gënjeshtar” ishte reagimi me shaka i mbrojtësit të Juventusit.

Më pas Brych i angazhoi kapitenët të zgjidhnin përmes monedhës rendin e gjuajtësve të penalltive. Jordi Alba zgjodhi njërën dhe Chiellini tjetrën. Arbitri hodhi monedhën dhe kapiteni i Italisë fitoi shortin. Në atë moment, Chiellini, me një buzëqeshje në fytyrë, përqafoi Jordi Alba dhe e ngriti atë hopa.

Pastaj seria e penalltive më në fund filloi, me pritjen vendimtare të Gianluigi Donnarumma ndaj Alvaro Morata. Penalltia e fundit u kthyer në gol nga Jorginho, i cili i dha Italisë finalen e “Wembley”, të planifikuar për të dielën në mbrëmje.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat