Bjorn Kuipers konsiderohet arbitri më i pasur në botë. Ai ka një pasuri të akumuluar prej 11.5 milionë euro si rezultat i një zinxhiri supermarketesh që zotëron në Hollandë, vendlindjen e tij. Sidoqoftë, ai gjithashtu vepron si arbitër dhe nuk ka lënë askënd indiferent, që kur filloi karrierën e tij ndërkombëtare.
Në fakt, ai ka pasur një sërë përballjesh me lojtarët që tani janë duke u rikuperuar, pasi disa prej tyre do të jenë në fushë të dielën, në finalen e “Euro 2020” mes Anglisë dhe Italisë.
Ky është rasti i Marco Verratti. Mesfushori italian raportoi se Kuipers e ofendoi atë (gjithashtu Leandro Paredes), pas barazimit mes Manchester City dhe PSG në Ligën e Kampionëve, sezonin e fundit. “Ai më tha: ik q***… Unë flas shumë me gjyqtarët, por kurrë nuk mund ta thoja këtë, sepse do të më penalizonte me 10 ndeshje”, – shpjegoi italiani pas asaj ndeshjeje, shkruan Telesporti.
Kuipers, gjithashtu ka pasur incidente me Cristiano Ronaldo dhe Messi, dy gjigantët e futbollit botëror. Portugezi përfundoi shumë i zemëruar me të, pas eliminimit nga Champions-i kundër Porto, këtë vit. “Tuttosport” shkoi aq larg sa të thoshte se “ai nuk ka asnjë nivel për Ligën e Kampionëve”, e akuzoi për kryerjen e “gabimeve të rënda” që kushtuan “miliona euro dhe besueshmërinë e garës”.
Me Messin, nga ana tjetër, arbitri hollandez u kap në një ndeshje të Champions-it. Kryesori i tha argjentinasit që të kishte më shumë respekt, pas golit të tretë kundër Liverpool në “Camp Nou”, në atë ndeshje që më vonë përfundoi me përmbysjen e famshme në “Anfield”. “Messi! Pse jeni duke festuar kështu? Ej! Tregojuni atyre pak respekt! Ej! Pse po e bëni këtë?” – u dëgjua duke i thënë yllit argjentinas të Barçës.
